Määz
Dr Wind deit bruse
un hült unger’m Dach;
d’r Rän deit klatsche,
et trommelt un kraach.
De Finsterschive
die rappele, we doll,
de Kalle dun jitsche,
se sin üvvervoll!
Un alles op Äde
sich rääch un weed waach,
un zweschen de Wolke
et Sönnche höösch laach.
Et Blot deit stell ruusche
däm mödste Zömelöm.
De Vüjjelcher dun piepsche-;
et Fröhjohr jeit öm!-
Schniejlöckche
Se lohren ahn dr Ääd,
janz fing un höösch eruus,
klein Plänzjer, lev un jrön,
die Spetzcher luuschen luus.
Mer meint, dat selverfing
et fähne Fröhjohr ref,
und stell dat Jlöckche wieß
söß weck, wat höösch noch schlöf.
Doch wann et Sönnsche bal
am huhe Himmel laach,
dann sin se munter do
un lüggen en dr Daach.
Un Hätz un Siel es fruh
bes ahn dr Himmelssaum-
et schwäv stell durch die Luff
´ne schöne Fröhjohrschdraum!
